Шексіз жүрек – шексіз мүмкіндік

​Отырар аудандық кітапханасы мен балалар кітапханасының ұжымы бүгін ерекше шара – «Шексіз жүрек – шексіз мүмкіндік» атты қайырымдылық акциясын өткізді. Бұл игі бастама аясында Отырар ауданының педагогикалық түзеу кабинеті КММ-не арнайы барып, балаларға қуаныш пен мейірім сыйлады.

Шара барысында тәрбиеленушілерге түрлі сыйлықтар тарту етіліп, рухани қолдау көрсетілді. Балалардың жүзіндегі күлкі мен көзіндегі үміт – біздің ең үлкен бақытымыз!

​ Бұл акцияның мақсаты – ерекше білім беру қажеттіліктері бар балаларға қамқорлық таныту, олардың әлеуетіне сенім ұялату және қоғамның назарын осы маңызды мәселеге аудару болды.

​ Қайырымдылыққа үлес қосқан барша әріптестерімізге және жүрегі жомарт жандарға алғысымызды білдіреміз!

Жақсылық жасау – жүректен. Себебі, Шексіз жүрек – шексіз мүмкіндік!

https://www.facebook.com/reel/1460267218682538