25 маусым - Алаш қайраткері, қазақ әдебиетінің жарық жұлдызы, лирик ақын Мағжан Жұмабаевтың туған күні.

Мағжан ақынның өлеңдері - қазақ поэзиясының алтын жауһары. Оның әрбір тармақтары ұлтым деп еміреніп, жұртым деп тебіренген ақынның асқақ сезімін көрсетеді.

Кезінде заңғар жазушымыз Мұхтар Әуезов, қазақтың талантты ақыны Мағжан Жұмабаев туралы өзінің естелігінде: «Қазақ жазушыларынан, әрине, Абайды сүйемін... бұдан соң Мағжанды сүйемін», - деп Мағжан өлеңдерін өте жоғары бағалаған екен.