«Таза Қазақстан» экологиялық акциясының «Өнегелі ұрпақ» апталығында ордабасылық жастар жалғызбасты қариялар Ақмырза Бердіқұл мен Розагүл Досымованың шаңырағында болып, тазалық шараларын жүргізді. Атқарылған жұмыстар барысында ауладағы ағаштар шабылып, арам шөптерден тазартылды. Одан бөлек, тұрғын үй айналасы күл-қоқыстан тазарып, ретке келтірілді.

Бүгінде Ордабасы ауданында науқан аясында көгалдандыру және тазалық шаралары белсенді түрде жүргізіліп жатыр. Үш апта көлемінде түрлі ағаш көшеттері отырғызылып, елді мекендер мен негізгі көшелер тазалануда. Акция басталғалы бері ауданда зиялы қауым өкілдері, мемлекеттік мекеме қызметшілері, жастар, еріктілердің қатысуымен тазалық шаралары қарқынды өтіп жатыр.

Түркістан облысының Өңірлік коммуникациялар қызметі