Адам баласы үшін ананың орны қашан да биік. Жұмақ - ананың табанының астында деген сөздің мәні аяулы жанның қадірін ерекше асқақтатып тұрғандай. Адамзатқа әлемнің жарығын сыйлаған ана алдында бәріміз де бас иеміз.

Көктемнің көркемдігін сезіндіріп, кереметін ұғындырған 8 наурыз – Халықаралық әйелдер күніне орай , аудандық мәдениет сарайында өткен мерекелік жиында «Отырар» кітапханасы көпшілік назарына «Әлемнің жарығын сыйладың сен маған» атты кітап көрмесін ұсынып, кітапхананың бүлдіршін оқырмандары ана туралы өлеңдер оқыды.