Балалардың жазғы демалыс кезіндегі бос уақыттарын тиімді өткізіп, кітап оқуға деген ынталарын арттыру мақсатында ұйымдастырылған "Жаз қызығы кітаппен!!!" бағдарламасы аясында «Ердаулет» балабақшасының бүлдіршіндері кітапханамызға саяхат жасады.

Кітап әлемінің табалдырығын аттағаннан-ақ біздің кітапханашылар бүлдіршіндерді құшақ жая қарсы алып, кітапхананы аралатты.

Шарада балалар тақпақ, ән айтып, би билеп, өз өнерлерін көрсетті.

Сондай- ақ, балалар кітапханашылардың еліміздің тарихы туралы, ұлы тұлғалары, балаларға арналған әдебиеттер туралы әңгімелерін қызығушылықпен тыңдады және сұрақ – жауап арқылы қандай ертегі білетіндерін жарыса айтып берді.