Жазушы Ілияс Есенберлиннің туғанына 110 жыл толуына орай

«Отырар» кітапханасы қызметкерлері Ө. Жәнібеков

атындағы N4 лицей-интернатының 10 сынып оқушылары арасында «Көшпенділер» трилогиясы – қазақтың тарихы» атты тақырыпта оқырмандар конференциясын өткізді.

Көшпенділер — Ілияс Есенберлиннің үш кітаптан тұратын тарихи эпопеясы. Бұл шығарма - қазақ сөз өнерінің әлемдік нұсқасына қосылған тарихты көркемдік пайымдаудың үздік үлгілерінің бірі, партиялық идеологияның қылышынан қан тамып тұрған уақытта дүниеге келген шығарма. Трилогия Алмас қылыш , Жанталас, Қаһар деген бөлімдерден тұрады. Көшпенділер трилогиясында бес ғасырлық оқиға, яғни, XV-XIX

ғасыр аралығындағы Қазақ хандығы өмір сүрген кезең суреттеледі.

Іс-шара барысында жазушының өмірбаяны мен шығармашылығы туралы мәлімет беріліп, тақырып аясында кеңінен әңгіме өрбіді. Сонымен қатар талқыланатын сұрақтар бойынша оқушылар өз пікірлерін ортаға салды.