Кітап – адамзаттың ақыл - ойы мен парасатының, тарихы мен тағылымының алтын қазынасы. Ол – өткен мен бүгінді жалғап, болашаққа бағыт беретін шамшырақ.

Отырар кітапханасы қызметкерлерінің ұйымдастыруымен көркем әдебиеттерді насихаттау мақсатында Т.Ибрагимов атындағы жалпы орта мектебінің оқушылары мен ұстаздарына жылжымалы кітап көрмесі таныстырылды.

Кітап көрмесінде республикалық «Бір ел-бір кітап», «Түркістанның таңдаулы туындысы» акциялары мен биылғы жылғы мерейтой иелеріне арналған әдебиеттер ұсынылып, олардың мазмұны мен маңыздылығы туралы ақпарат берілді.

Кітапхана қызметкерлері көпшілікті кітап оқуға шақырып, әдебиеттің тәрбиелік мәніне тоқталды.

Шара барысында тақырып аясында сұрақтар қойылып, тұщымды жауап берген оқушыларға сыйлықтар табысталды.

Мұндай шаралар оқырман мен кітап арасындағы байланысты нығайтып, кітапхана жұмысының жандануына оң ықпал етеді.