Аудандық орталық кітапхана қызметкерлері арасында «Нашақорлық – болашағыңа жасалған қастандық» тақырыбында кеңес сағаты өткізілді. Іс – шараны жүргізуші кітапханашы Ж.Серікқызы тақырыптың маңыздылығы, мақсаты турасында айтып түсіндірді. Кітапханашы Г.Әбзейтова тақырыптық баяндама жасады. Кеш барысында жастардың жаман әдеттерден бойларын аулақ ұстау керектігі, салауатты өмір салтын ұстану қажеттігі туралы баса айтылды. Іс – шара соңы «Денсаулық – баға жетпес байлық» атты кітап көрмесін көпшілікке таныстырумен тәмәмдалды.