Қазақ вальсінің королі Шәмші Қалдаяқов 1930 жылы 15 тамызда Оңтүстік Қазақстан облысы, Отырар ауданында дүниеге келген.

40 жылдан астам шығармашылық қызметінде сазгер 300-ге жуық музыкалық туынды жазды. Композитор 1965 жылы Қазақстан Комсомол сыйлығын алды.

Ал, 1991 жылы оған Қазақстан Республикасының Халық әртісі құрметті атағы берілді.

Бүгін кешкі сағат 19:00 -де Шәмші ауылында “Әнім сен едің” атты гала- концерт өтеді.

Концертке Шәмші Қалдаяқов атындағы облыстық филармонияның әншілері, “Менің Қазақстаным”ән байқауының әр жылғы лауреаттары қатысады. Шәмші Қалдаяқовтың ғажайып әндерін бірге шырқауға шақырамыз!

«Халқым барда – менің әндерім де бар» деген Шәмші тойы ешқашан тарқамасын!