Мемлекет басшысы Қасымжомарт Тоқаев еліміздің кейбір өңірлерінде табиғи апат - су тасқыны орын алуына байланысты Қазақстан халқына Үндеу жасады.

Су тасқынына қарсы жүргізіліп жатқан шараларға тоқтала келе, Президент барша құтқарушыларға, көмек қолын созған қалың жұртшылыққа алғысын білдіріп, барлығын қалпына келтіретіндігін және ешкім де ескерусіз қалмайтындығын айтып өтті.

Иә, айтып келмейтін апаттың салдары өте күрделі. Мұндай жағдайда халық сабырлылық танытып, арандатушылыққа жол бермеу керек Елдің бірлігі мен мемлекеттің тұтастығы барлық істен жоғары. Ынтымақ пен бірлікте болсақ, қиындықтың бәрін жеңіп шығатынымыз анық.

Күшіміз бірлікте!