Іс-шара барысында ақынның өмір жолы мен шығармашылығы туралы бейнебаян көрсетілді. Оқырмандар ақынның өмірі мен өнердегі қолтаңбасымен тереңірек танысты. Кеш барысында ақынның өлеңдері оқылып, жыр шумақтары арқылы ұлттық рух, туған жерге деген сүйіспеншілік, адамгершілік құндылықтар кеңінен насихатталды. Сонымен қатар, Мұхтар Құраловтың сөзіне жазылған әндер орындалып, поэзия мен музыканың үйлесімі көрермендерге ерекше әсер сыйлады.